Mwanablogu Cyprian Nyakundi afikishwa kortini .

  Mwanablogu Cyprian Nyakundi  ameshtakiwa kwa njama ya  ulaghai wa shilingi milioni 17.5 .Amefikishwa mbele ya hakimu  mkuu  wa Milimani  na kukanusha mashtaka dhidi yake .

Stakabadhi ya mashtaka imesema  kwamba mnamo januari tarehe 20 mwezi huu katika  jumba la westgate Mall  Nyakundi na wengine ambao hawaku kortini walimpunja shilingi milioni 1 Yogesh Pattni ambaye ni afisa mkuu mtendaji wa Benki ya  Victoria Commercial Bank Ltd,  kama sehemu ya malipo ya shilingi milioni 17.5 ili kuondoa chapisho waliloweka mtandaoni . Kesi ya upande wa mashtaka ni kwamna Nyakundi aliitisha pesa  kama shari la kuondoa chapisho hilo  ambalo lilikuwa linaichafulia jina benki hiyo  na wafanyikazi .

Wakili wa mlalamishi  Kamau Chege amesema  Nyakundi  anakaidi agizo la mahakama kwani amekuwa akiendelea kuweka mtandaoni  taarifa   za kuwachafulia jina watu na taasisi mbali mbali . Nyakundi na Mtuhumiwa mwenzake Emmanuel Nyamweya Ongera  wameachiliwa kwa bondi ya shilingi milioni kila mmoja   au dhamana mbadala ya shilingi laki tatu pesa taslimu kila mmoja .Kesi hiyo itatajwa Fberuari tarehe 7 .