KEBS yaidhinisha viwango vya ubora vya uzalishaji wa wadudu wa kuliwa

 Halmashauri ya kukadiria ubora wa bidhaa KEBS imeidhinisha viwango vya ubora vitakavyotumiwa  kuongoza uzalishaji wa wadudu wanaoliwa na bidhaa zinazotokana na wadudu hao .

 Viwango hivyo vya ubora  KS 2921:2020 vimetoa mahitaji ambayo yanafaa kutoshelezwa  na wakulima ikiwemo hali itakayofanikisha uzalishaji na uuzaji wa wadudu hao ili kutumiwa kama chakula . Pia vinatoa kiwango kinachohitajika cha miundo msingi inayohitajika kwa uzalishaji wa wadudu kwa wingi .

 Maneja mkurugenzi wa KEBS Bernard Njiraini amesema  KS 2922 Part 1  ni mwongozo utakaoeleza na kuratibu mahitaji ya kupakiwa na kuuzwa kwa wadudu hao wakiwa wazima ama wakisagwa .

KS 2922 Part 2   ni mwongozo utakaotumika kuunda bidhaa zinazotokana na wadudu hao kama vile biskuti  na bidhaa nyingine .