Mason Greenwood ashtakiwa kwa jaribio la ubakaji na shambulio, United yatoa taarifa

Mchezaji wa Manchester United Mason Greenwood ameshtakiwa kwa jaribio la ubakaji, kujihusisha na tabia ya kudhibiti na kulazimisha, na shambulio lililosababisha madhara ya mwili.

Mshambulizi huyo mwenye umri wa miaka 21 alikamatwa Januari kufuatia madai yaliyoibuka kwenye picha na video zilizochapishwa mtandaoni na baadae kuachiliwa kwa dhamana.Pia alisimamishwa kwa muda usiojulikana na Mashetani Wekundu huku uchunguzi ukiendelea.

Greenwood alikamatwa tena Jumamosi kwa madai ya kukiuka masharti ya dhamana yake.

Sasa atashtakiwa kwa makosa hayo baada ya ushahidi kutoka kwa Polisi wa Greater Manchester kukaguliwa upya.

Waendesha mashtaka walisema mashtaka yote yanahusiana na mlalamishi wa kike aliyekuwa mpenzi wake. Bw Greenwood atafikishwa katika Mahakama ya Manchester na Salford siku ya Jumatatu.

Mchezaji huyo ambaye amecheza mara moja kwenye timu ya wanaume ya Uingereza, hajacheza wala kufanya mazoezi na Manchester United tangu alipokamatwa.

Nike pia ilimaliza mkataba wake wa udhamini na vilevile Electronic Arts ikamwondoa kwenye vikosi vilivyoshiriki katika mchezo wa 22 wa Fifa.

Bi Janet Potter, kutoka Huduma ya Mashtaka ya Crown Kaskazini Magharibi, alisema wameidhinisha Polisi Mkuu wa Manchester kumfungulia mashtaka Bw Greenwood kwa jaribio la ubakaji, kujihusisha natabia ya kudhibiti na ya kulazimisha, na shambulio lililosababisha madhara halisi ya mwili.

Inasemekana ubakaji ulitokea tarehe 22 Oktoba 2021, huku shambulio likidaiwa kufanyika Desemba mwaka jana.

Madai  ya kudhibiti na tabia ya kulazimisha yanahusiana na kipindi cha muda tangu Novemba 2018.

Bi Potter alisema mashtaka hayo yalifanywa baada ya waendesha mashtaka maalum wa ubakaji kukagua faili ya ushahidi kutoka kwa polisi.

Aliongeza: "Huduma ya Mashtaka ya Taji inawakumbusha wote wanaohusika kwamba kesi za jinai dhidi ya mshtakiwa ziko hai na kwamba ana haki ya kusikilizwa kwa haki.

"Ni muhimu sana kwamba kusiwe na kuripoti, maoni au kushiriki habari mtandaoni ambayo inaweza kwa njia yoyote kuathiri kesi hizo."

Kufuatia uthibitisho kwamba Greenwood atashtakiwa, United ilitoa taarifa iliyosema :

"Manchester United inabainisha kuwa mashtaka ya jinai yametolewa dhidi ya Mason Greenwood na Huduma ya Mashtaka ya Crown.

Anasalia kusimamishwa na klabu, akisubiri matokeo ya mchakato wa mahakama."