Kwa nini Bahati hakuwa kwenye thieta wakati wa kuzaliwa kwa bintiye Heaven

Bahati alimdanganya mke wake Diana Marua kwamba madaktari walimkataza kuwa katika chumba cha kujifungulia alipokuwa akimkaribisha mtoto wake wa kwanza na Marua, Heaven Bahati.

Akizungumza kwenye YouTube Channel ya Diana, baba huyo wa watoto watano alisema hangeweza kustahimili kuwa katika chumba cha kujifungua wakati huo.

"Walinitaka niingie ndani lakini nilikataa na nikamwambia amwambie Diana kuwa hawakuruhusu wanaume kuingia thieta," alisema.

Bahati alisema alisubiri nje huku akiwaza la kufanya.

"Niliogopa hata kumshika mtoto wangu mnamo siku ya kwanza," alisema.

Bahati alisema tangu wakati huo amepamba na hilo na alikuwepo wakati wa kuzaliwa kwa mtoto wao wa tatu hivi majuzi.

Diana alimkaribisha mtoto wake, Malkia Bahati, siku tano kabla ya siku ya kuadhimisha kuzaliwa kwake. Alitimiza miaka 33.

Wakati wa siku yake ya kuzaliwa, Bahati alisema yeye ndiye mwanamke aliyeyapa maisha yake maana.