Marekani haitaruhusu uhamisho wa lazima wa Wapalestina - Kamala Harris

Makamu wa Rais wa Marekani Kamala Harris amesema kwamba "Marekani haitaruhusu Wapalestina kulazimishwa kuhama kutoka Gaza au Ukingo wa Magharibi, kuzingirwa kwa Gaza, au kuchorwa upya mipaka ya Gaza katika hali yoyote ile."

Alisema hayo wakati alipokutana na Rais wa Misri Abdul Fattah al-Sisi, ambapo alimshukuru kwa jitihada zake za kuwaondoa raia wa Marekani kutoka Gaza.

Wakati wa mkutano wao huko Dubai, pembezoni mwa kongamano la COP28, Harris alisema juhudi za amani "zinaweza tu kufanikiwa ikiwa zitafuatwa katika muktadha wa upeo wa wazi wa kisiasa kwa watu wa Palestina kuelekea hali yao wenyewe inayoongozwa na Mamlaka ya Palestina iliyohuishwa".

Harris aliweka wazi kwamba Hamas haiwezi kudhibiti Gaza na Marekani itaendelea kujitolea "kufuatilia" suala la kuachiliwa kwa mateka wote wanaozuiliwa Gaza.