Roboti iliyoundwa nchini Tanzania yatambulishwa bungeni na kuwahutubia waheshimiwa (video)

Alhamisi gumza pevu liligonga vichwa vya habari baada ya roboti ya kwanza kutengenezwa na wanateknolojia nchini Tanzania kutambulishwa katika majengo ya bunge.

Roboti hiyo iliyopewa jina Eunice ilifikishwa bungeni majira ya asubuhi na kuonekana ikifanya mazungumzo na baadhi ya wabunge kwa mshangao wa wengi.

Eunice ilikuwa ikiwakaribisha wageni waliokuwa wakiingia bungeni kusikiliza makadirio ya mapato na matumizi ya Wizara ya Habari, Mawasiliano na Teknolojia ya Habari.

Muda mfupi baadaye, picha na video za Roboti Eunice zimegeuka kuwa gumzo kubwa kwenye mitandao ya kijamii.

Miongoni mwa wachangiaji, walionesha kufurahishwa na maendeleo ambayo Tanzania imepiga kwenye masuala ya teknolojia kiasi cha kumuunda Roboti Eunice mwenye uwezo wa kuongea na kupeana mikono na watu.

Waziri wa Habari, Mawasiliano na Teknolojia ya Habari, Nape Nnauye alikuwa miongoni mwa watu waliokaribiishwa na roboti Eunice wakati akiingia bungeni ambapo uwasilishaji wa bajeti ya wizara yake kwa mwaka wa fedha 2024 / 2025, ulifanyika.

Katika baadhi ya video za kushangaza zilizonaswa kutoka kwa tukio hilo, Roboti hiyo iliyokuwa katika lango ya kuingia ukumbi wa Bunge lilitangamana na wabunge ambao pia walipata nafasi ya kuisamilia na kuiuliza maswali na roboti hiyo ikijibu.

Hizi hapa ni baadhi ya video wabunge wakitangamana na roboti Eunice katika majengo ya bunge;