Rais wa Xinhua News Agency, Fu Hua, Mkurugenzi Mkuu wa TASS, Andrey Kondrashov, na Balozi Mdogo wa China mjini St. Petersburg, Luo Zhanhui, wakizindua kwa pamoja kitabu hicho kipya wakati wa hafla ya uzinduzi. (Xinhua/Hao Jianwei) / XINHUA.
Toleo la Kirusi la juzuu ya kwanza ya kitabu “China's Governance Under Xi Jinping's Leadership” limezinduliwa katika mji wa St. Petersburg wakati wa Kongamano la 29 la Kimataifa la Uchumi la St. Petersburg.
Takriban wawakilishi 100 kutoka vyombo vya habari, taasisi za utafiti na mamlaka za serikali kutoka China, Urusi na nchi nyingine walihudhuria hafla hiyo ya uzinduzi.
Katika hafla hiyo, Rais wa Xinhua News Agency, Fu Hua, Mkurugenzi Mkuu wa TASS, Andrey Kondrashov, na Balozi Mdogo wa China mjini St. Petersburg, Luo Zhanhui, walifunua rasmi kitabu hicho kipya.
Washiriki wa hafla hiyo walieleza kuwa kitabu hicho ni kazi ya kumbukumbu inayowasilisha kwa upana utekelezaji wa sera za utawala wa China na mafanikio makubwa yaliyopatikana katika enzi mpya.
Kwa mujibu wa washiriki hao, kitabu hicho kimejaa mifano halisi, mitazamo ya kina na maelezo ya kimfumo yanayoonyesha safari ya China ya kukabiliana na changamoto mbalimbali na kuendelea kusonga mbele katika maendeleo yake.
Waliongeza kuwa toleo la Kirusi la kitabu hicho linatarajiwa kuwa rejea muhimu kwa watu wa kada mbalimbali nchini Urusi wanaotaka kuelewa kwa undani jinsi China ilivyofanikisha maendeleo yake na ufanisi wa mfumo wake wa utawala.
Aidha, kitabu hicho kinatarajiwa kuwa daraja muhimu la kuimarisha zaidi mabadilishano ya kitamaduni kati ya China na Urusi.
Kitabu hicho kimeandaliwa na Xinhua News Agency na kuchapishwa na Xinhua Publishing House kwa ajili ya usambazaji wa kimataifa.
Juzuu ya kwanza ya “China's Governance Under Xi Jinping's Leadership” kwa sasa inapatikana kwa lugha ya Kichina, Kiingereza, Kiarabu, Kirusi na lugha nyingine.
Maelezo ya picha: Watu wakipita mbele ya skrini zinazoonyesha taarifa za uzinduzi wa toleo la Kirusi la juzuu ya kwanza ya “China's Governance Under Xi Jinping's Leadership” katika Kongamano la 29 la Kimataifa la Uchumi la St. Petersburg mjini St. Petersburg, Urusi, Juni 3, 2026.
