Komeni kufanya kampeini za mapema -MP Ngunjiri Wambugu

Wanasiasa wanaotaka kuwania  urais mwaka wa 2022 wanafaa kukoma kufanya kampeini za mapema na badala yake  waangazie maendeleo ili kutekeleza ahadi walizotoa kwa wapiga kura mwaka wa 2017

Mbunge wa  Nyeri Mjini  Ngunjiri Wambugu  jana amewaambia viongozi hao kwamba nafasi ya urais itakuwa  wazi mwaka wa 2022 na kwa sasa wanafaa kutekeleza majukumu yao .

“ Tuna rais aliye afisini hadi mwaka wa 2022 , kama tu msiovyoweza kumruhusu mtu kufanya kampeini za kiti change kwani nipo kama mbunge ,pia hapafai kuwa na kampeini za kiti cha urais’ amesema Wambugu .

Mbunge huyo amesema hawapingi wenzake katika chama cha Jubilee lakini anatawaka watii agizo la kinara wa chama Rais Kenyatta kukomesha kampeini za mapema .

Alikuwa akizungumza katika kanisa la  Nyamachaki PCEA  mjini Nyeri ambapo alisambaza  hundi za cheki zenye thamani ya shilingi milioni 27 .2 kwa wanafunzi wa shule za upili na vyuo vikuu katika eneo bunge lake .