"Umekuwa baraka kwangu" Hamisa Mobetto amsherehekea bintiye kwa ujumbe maalum

Binti wa msanii mashuhuri wa Bongo Hamisa Mobetto, Fantasy Majizzo anaadhimisha siku yake ya kuzaliwa hivi leo. (Aprili 10). Majizzo ambaye ni kifungua mimba wa Mobetto anasherehekea kutimiza miaka 7.

Hamisa Mobetto amezamia kwenye mtandao wa Instagram kumsherehekea binti huyo wake katika siku hiyo maalum kwake.

Katika ujumbe wake, Mobetto ameweka wazi kuwa binti huyo wake amekuwa baraka kubwa maishani mwake na kumtakia ulinzi wa Mungu.

"Kheri njema za siku ya kuzaliwa kwa binti wangu wa miaka 7 Fantasy Francis. Umekuwa baraka kwangu. Namshukuru Mwenyezi Mungu kila siku kwa sababu yako. Mwenyezi Mungu aendelee kukulinda mwanangu," Mobetto amemwandikia bintiye kwenye Instagram.

Mpenzi huyo wa zamani wa mwanamuziki Diamond Platnumz pia amemhakikishia binti yake kuwa anampenda sana.

View this post on Instagram

A post shared by Fantasy Francis (@babyfansy)

Fantasy ni mtoto wa kwanza wa Mobetto kutoka kwa mahusiano yake ya kitambo na mfanyibiashara mashuhuri wa Tanzania, Francis Majizzo.

Mobetto  ana mtoto mwingine wa miaka minne, Dylan Abdul Naseeb kutoka kwa mahusiano yake yake na Diamond.