Maandamano mitandaoni baada ya Joho na Junet kupakia video ya Ruto iliyofanyiwa ukarabati

Gavana wa Mombasa Ali Hassan Joho, mbunge wa Suna East Junet Mohamed na Mkurugenzi wa mawasiliano katika ODM Philip Etale walikuwa mada kwenye mitandao ya kijamii kwa muda mrefu Jumanne baada ya kuchapisha video zilizofanyiwa ukarabati.

Wanachama hao wa ODM walikabiliwa na ghadhabu za wanamitandao waliowashutumu kwa kueneza propaganda dhidi ya naibu rais William Ruto.

Jumanne alasiri, watatu hao walipakia video iliyofanyiwa ukarabati kumuonyesha Ruto akizungumza maneno ya chuki dhidi ya makabila mbalimbali ya hapa nchini.

"Madharau na Vitisho kwa watu wa Central , Western na Nyanza yataisha Tarehe Tisa mwezi huu !! Ni aibu iliyoje kwa Naibu rais wa nchi ya jamii nyingi kuzungumza hivi!" Junet aliandika chini ya video aliyopakia kwenye ukurasa wake wa Instagram.

Video hiyo iliyodondolewa kutoka kwa hotuba ya naibu rais katika kaunti ya Uasin Gishu pia ilichapishwa kwenye akaunti rasmi ya Twitter ya chama cha ODM.

Katika video hiyo, Ruto alikuwa akiwahutubia wakazi wa Uasin Gishu kwa lugha ya Kalenjin kabla ya kubadilisha na kuwahutubia kwa Kiswahili.

Radio Jambo imeweza kubaini kuwa baadhi ya maneno kutoka kwa hotuba ya mgombea urais wa Kenya Kwanza yalikuwa yametolewa katika video iliyopakiwa na wanasiasa hao.

Baadhi ya maneno ambayo naibu rais alisema kwa lugha yake ya Kalenjin pia yalikuwa yametafsiriwa vibaya.

Ili kuondoa shaka, msemaji wa timu ya kampeni ya Ruto, Hussein Mohamed alichapisha video ya hotuba halisi ya naibu rais kabla ya kufanyiwa ukarabati.

"Video asili kutoka kwa mkutano wa Eldoret. Leo, watu/Hustler Nation, wamepangwa kwa makundi ya  masilahi ya kiuchumi, SI makabila!" Hussein aliandika chini ya video halisi ambayo alipakia Twitter.

Tazama video halisi hapa:- 

Wanamitandao wenye ghadhabu waliwakosoa Junet, Joho na Etale na kuwataka kujiepusha na matendo yanayoweza kuwapiganisha Wakenya.

Baadhi ya wanamitandao walichukua hatua ya kuripoti akaunti za watatu hao pamoja na ile ya ODM wakitaka zifutwe Twitter.

That clip posted by Junet is Edited. Let's vote Peacefully.

— Rodgers Kipembe Mpuru (@RodgersKipembe) August 2, 2022

Please @verified @Twitter the below account: "@JunetMohamed" has CONSISTENTLY posted Video clips, audio clips that are adulterated and edited to fuel electoral violence in some parts of the country, against one community. We plead that you immediately suspend the account. pic.twitter.com/QM3sZf4kat

— Malcom X (@mtetezi_usawa) August 2, 2022

Junet Mohamed and Hassan Ali Joho know that the video they posted is fake and very dangerous. They can not feign ignorance. Videos can be authenticated and Junet and Joho have people and resources to authenticate. They must delete and apologise. ⚖️🇰🇪 @JunetMohamed @HassanAliJoho

— Dr. John Njenga Karugia PhD. (@johnnjenga) August 2, 2022

Joho and Junet have blatantly refused to delete the fake edited videos, the others including ODM main account have deleted albeit without an apology.

— GK (@Onorpik) August 2, 2022