Mwigizaji wa Sultana afichua ugonjwa anaougua

Winnie Bwire Kinyanjui ni mwigizaji maarufu anayejulikana kwa jina la kisanii Dida katika kipindi cha Sultana kinachopeperushwa kwenye runinga ya Citizen  kila siku za juma kuanzia 7:30jioni

Inavyoonekana, Dida amepata umaarufu katika kazi yake ya uigizaji na hadi sasa anakua sio tu katika uigizaji.

Kitendo cha Dida kupata umaarufu kimemdhihirishia fursa nyingi sana huku nje.

Leo, alifunguka kwenye Instagram kuhusu ugonjwa ambao amekuwa akipambana nao kwa muda mrefu sasa.

Dida alifichua kuwa anaugua saratani ya matiti na amekuwa akitumia muda wake mwingi katika hospitali.

Dida pia alifichua kuwa yuko katika harakati za kupata nafuu kwani madaktari wake wamekuwa wakitilia maanani ili kuhakikisha kuwa kuna uboreshaji mzuri.

"Tunapoadhimisha mwisho wa mwezi wa ufahamu kuhusu Saratani ya matiti, ningependa kuthamini upendo na usaidizi wenu katika safari yangu. Wale wanaojua kwamba walitembea nami tangu mwanzo

Tunakaribia mwisho wa kipindi na ninajihesabu kuwa nimebarikiwa kuwa na watu kama nyinyi katika maisha yangu. Asante sana Mungu- heh ndiye nyota wa kipindi changu. Ukweli usemwe.

Asante sana wazazi wangu, wakwe zangu, binamu zangu, wafanyakazi wenzangu, mabosi wangu, Daktari wangu na wauguzi, watoto wangu na mwisho kabisa rafiki yangu mkubwa, mpenzi na mlezi Dan Sonko. Bila nyinyi, safari hii isingekuwa laini

Niko hapa leo kwa sababu ya upendo, msaada na ngao ambayo umenizunguka nayo tangu mwanzo."

Aliwashauri mashabiki kurekebisha hali ya kwenda kuchunguzwa kwani saratani haichagui umri, jinsia au ukubwa.

Dida alimshukuru mumewe, watoto, wakwe, mabosi na marafiki zake wa karibu ambao wamesimama upande wake wakidai kuwa walimfanya apate matumaini hata katika hali yake ya chini.

"Tafadhali endelea kuchunguzwa hata mwezi wa Oktoba unapoisha. Saratani ya matiti haijui umri, rangi, saizi wala jinsia. Jua mwili wako na uutendee haki.

kwa wapiganaji wangu wote huko nje, endelea kupigana. maisha yako ni yako kuishi.usiruhusu saratani ikuishie wewe. Usiruhusu kamwe kukuzuia. Usiruhusu kula kwenye ubongo wako."