Kenya na Umoja wa Ulaya zimesaini mkataba wa kibiashara ambao ukishaidhinishwa, utaipa Kenya ufikiaji wa soko la EU bila kutozwa ushuru.
Mkataba huo unatarajiwa kuimarisha maendeleo ya kiuchumi ya Kenya, huku Rais William Ruto akisema "utachochea utengenezaji wa bidhaa nchini Kenya na usafirishaji wa bidhaa zilizokamilika, zilizoongezwa thamani nje ya Kenya".
Waziri wa Biashara Moses Kuria aliitaja hatua hiyo kuwa "wakati wa fahari" kwa nchi, baada ya kutia saini Mkataba wa Ushirikiano wa Kiuchumi wa EU-Kenya (EPA) na Kamishna wa Biashara wa EU Valdis Dombrovskis.
EU ni mojawapo ya soko kubwa la Kenya na inauza takribani moja ya tano ya mauzo yake yote huko - inasheheni bidhaa nyingi za kilimo ikiwa ni pamoja na mboga mboga, maua , chai na kahawa.
Kenya pia inatarajiwa kupunguza vikwazo kwa bidhaa za Umoja wa Ulaya hatua kwa hatua.
Taarifa ya EU ilibainisha kuwa haya yalikuwa makubaliano ya usawa, kwani inazingatia "mahitaji ya maendeleo ya Kenya kwa kuiruhusu muda mrefu kufungua soko lake".
Mkataba huo unaweka kasi ya ukombozi wa kibiashara, ukitoa ufikiaji wa bidhaa za nje za Kenya kwa Umoja wa Ulaya bila malipo bila ushuru.
"Inatuhakikishia soko lililopanuliwa, lenye faida kubwa na endelevu, kuimarisha biashara na fursa za uwekezaji," alisema Rais William Ruto.
Alibainisha kuwa kuongezeka kwa biashara na EU - yenye wakazi wapatao milioni 500 - kutaunda nafasi za kazi, kupanua mapato na kuchochea ukuaji endelevu wa uchumi.
Rais alizungumza Jumatatu katika Ikulu ya Nairobi, wakati wa hafla ya kutia saini Mkataba wa Ushirikiano wa Kiuchumi wa Kenya na Umoja wa Ulaya (EPAs).
"Hii ni hatua kubwa mbele. Inaweka mazingira ya kuanzishwa kwa nchi washirika wa EAC katika Mkataba huo."
Naibu Rais Rigathi Gachagua, Makamu wa Rais Mtendaji wa Tume ya Ulaya na Kamishna wa Biashara wa Umoja wa Ulaya Valdis Dombrovskis na Waziri wa Biashara Moses Kuria.
